Agjencia për Parandalimin e Korrupsionit (APK) mori pjesë në takimin e 13-të të Rrjetit Kundër Korrupsionit të Agjencive të Zbatimit të Ligjit në kuadër të Organizatës për Bashkëpunim Ekonomik dhe Zhvillim (OECD)

Agjencia për Parandalimin e Korrupsionit (APK) mori pjesë në takimin e 13-të të Rrjetit Kundër Korrupsionit të Agjencive të Zbatimit të Ligjit në kuadër të Organizatës për Bashkëpunim Ekonomik dhe Zhvillim (OECD), i mbajtur në Astana, Kazakistan nga 6 deri 7 shtator 2023. APK u përfaqësua nga z. Milot Shala, në ketë takim në të cilin morën pjesë hetues dhe prokuror nga 25 vende të ndryshme.

Hetuesit dhe Prokurorët në këtë takim ndanë përvojën e tyre në identifikimin dhe hetimin e korrupsionit në nivel të lartë, si dhe përdorimin e konfiskimit ndaj pasurive të fituara në mënyrë të paligjshme. Ndërsa, një nga temat kryesore të takimit ishte edhe shkëmbimi i praktikave për hetimet financiare dhe përdorimi i instrumenteve të konfiskimit civil.